русийә: америка вә нато билән өткүзүлүватқан сөһбәтләрниң негизлик темилирида ихтилаплар бар

түркийә авази радийоси хәвири: русийә пирезидентлиқ мәһкимиси — киремил сарийи байанатчиси димитрий пескоф, мухбирларға русийә билән натониң бихәтәрлик капалити тоғрисидики сөһбитигә даир мәсилиләр бойичә байанат бәрди.

натониң русийәгә өз қошунини өз земинида қандақ вә қәйәргә йөткиши тоғрисида йолйоруқ чүшүрүшиниң мумкин әмәсликини тәкитлигән песков: «русийә армийәсини башқа дөләтләрниң земинида һәрикәт қилдурмайватиду» деди.

песков натониң кеңийиш тәһдитини давамлаштуруватқанлиқиға ишарәт қилип: «биз америка әмәлдарлириниң финландийә вә шивитсийәни өз ичигә алған йеңи әзаларни натоға тәклип қилған байанатлирини аңлаватимиз. натоға әза бәзи балтиқ дөләтлиридин өз территорийәсидики әскәр санини көпәйтишини тәләп қилған байанлирини аңлаватимиз. буларниң һәммиси давам қиливатқан мушундақ пәйттә җиддийчиликни пәсәйтиш үчүн немә қилишимиз керәк?» деди.

русийәниң, америка вә нато билән шивейтсарийәниң җәнвә шәһири вә белгийәниң пайтәхти бирйусселда бихәтәрлик капалити мәсилисини чөридәп елип барған сөһбәтлириниң негизлик мәсилилиридә ихтилапларниң барлиқини көрсәткән песков: «сөһбәт муәййән асаслиқ мәсилиләргә конкрет җаваб тепиш үчүн башланған. бу негизлик мәсилиләрдә пикир ихтилаплири йүз бәрди. бу йаман болди. бу ишқа ашурулған икки айланмиға нисбәтән бир минустин башқа нәрсә әмәс» дегәнләрни қәйт қилди.

песков, русийәниң америка билән сөһбәтлишишни давамлаштуруш сийасий ирадисиниң аҗиз әмәсликини, дәл әксичә, сөһбәтдашларниң сөһбәтни давамлаштуруш истикиниң аҗизлиқини һес қилғанлиқлирини билдүрди.

шималий еқин  - 2 тәбиий газ туруба йоли түриниң сода характерлик бир қурулуш икәнликини байан қилған песков, уни йавропаниң бихәтәрлики билән бағлашниң бимәнилик икәнликини илгири сүрди.

у йәнә, америка парламентиниң русийәгә қарши тәййарлиған җаза лайиһәси тоғрисида тохтилип, сөһбәтләр давамлишиватқан әснада җаза лайиһәсиниң елан қилинишиға пассиплиқ вә москваға бесим ишлитишкә урунуш дәп баһа бәрди.