putin bilen tokayéw téléfonlashti

rusiye pirézidénti wiladimir putin qazaqistan pirézidénti qasim jömert tokayéw bilen téléfonlashti.

1762165
putin bilen tokayéw téléfonlashti

türkiye awazi radiyosi xewiri: rusiye  pirézidéntliq mehkimisi — kirémil sariyi bayanat élan qilip, téléfon söhbiti jeryanida tokayéwning kolléktip bixeterlik shertnamisi teshkilati tinchliq saqlash qisimlirining heriketlirini chöridigen asasta, qazaqistanda yolgha qoyulghan tertip – intizamni eslige keltürüsh tedbirliri heqqide melumat bergenlikini bildürdi.

tokayéw rusiyening yardimige minnetdarliq bildürgen téléfon söhbitide, kolléktip bixeterlik shertnamisi teshkilatigha eza döletler eskerlirining qazaqistan zéminidin qedemmuqedem chékinip chiqishqa bashlighanliqigha munasiwetlik mesililer muzakire qilindi.

6- yanwar qazaqistangha orunlashturulghan rusiye, bélarusiye, erméniye, qirghizistan we tajikistan eskerliridin terkib tapqan kolléktip bixeterlik shertnamisi teshkilati tinchliq saqlash qisimlirining chékinish musapisining bügün bashlanghanliqi bildürülgenidi.


خەتكۈچ: #uyghurche , #rusiye , #qazaqistan

مۇناسىۋەتلىك خەۋەرلەر