йәмән вәкили б д т хәвпсизлик кеңишини йәмәнгә изчил йардәм қилишқа чақирди

б д т йәмән алаһидә вәкили ханс грандберг (Hans Grundberg) б д т хәвпсизлик кеңишини йәмәндики тинчлиқ тиришчанлиқлириниң мувәппәқийәткә еришиши үчүн изчил йардәм қилишқа чақирди.

1761179
йәмән вәкили б д т хәвпсизлик кеңишини йәмәнгә изчил йардәм қилишқа чақирди

түркийә авази радийоси хәвири: б д т йәмән алаһидә вәкилиниң ишханиси ханс грандбергниң б д т хәвпсизлик кеңишини йәмәнгә йардәм қилишқа чақирғанлиқи тоғрисида байанат елан қилди.

байанатқа асасланғанда, грандберг әнглийәниң оттура шәрқ вә шималий африқа ишлириға мәсул дөләт министири җеймис клеверли вә бир қатар йуқири дәриҗилик әмәлдарлар билән көрүшүп, әнглийә зийаритини ахирлаштурған.

грандберг әнглийә әмәлдарлири билән көрүшкәндә, йәмәндики йаманлишиватқан иқтисадий вәзийәтниң, йеқинқи күнләрдә йүз бәргән һәрбий җиддийчилик вә тоқунушуватқан тәрәпләр оттурисидики ихтилапларға, тинчлиқ усулида адил һәл қилиш чариси тепиш пурсити йаритишқа көрситиватқан сәлбий тәсирлирини музакирә қилған.

у: «йәмәндики тәрәпләр музакирә йоли билән зораванлиқларни азайтишни вә мәсилини кәң даиридә һәл қилиш чариси тепиш мәқситидә сийасий дийалог мусаписигә қәдәм бесиши керәк» деди.

у б д т ниң бу мусапини қоллашқа тәййар икәнликини билдүрүп, хәлқаралиқ җәмийәтниң вә хәвпсизлик кеңишигә әза дөләтләрниң йәмәнгә изчил йардәм қилишиниң, тиришчанлиқларниң мувәппәқийәткә еришиши үчүн шәрт икәнликини алаһидә тәкитлиди.



مۇناسىۋەتلىك خەۋەرلەر