xitayda wuxen wirusining yerlik omikron wariyanti qattiq endishe yaratti

türkiye awazi radiyosi xewiri: tyenjén késelliklerning aldini élish we kontrol qilish merkizi élan qilghan bayanatta, birinchi basquchluq tekshürüsh tamamlanghandin kéyin, bügün (2022-yili 12-yanwar) ikkinchi basquchluq omumiyüzlük tekshürüshning bashlanghanliqi  bildürüldi.

14 milyon nopusqa ige tyenjén shehiride 12 milyon tekshürüsh élip bérilghanliqi, 7 milyon 800 ming tekshürüsh netijisining éniqlanghanliqi qeyt qilindi.

2022-yilliq qishliq olimpik tenheriket musabiqisini ötküzüshke teyyarliq qiliwatqan paytext béyjing bilen musapisi aran 100 kilométirkélidighan tyenjén shehiride, tünügün (11-yanwar) 24 saet ichide yene 33 yuqumlanghuchi bayqaldi we hemmisining yerlik omikron wariyanti bilen yuqumlanghanliqi éniqlandi.

xitay wirus yuqumlinish weqelirini peyda bolghan jaydila basturup, tarqilish zenjirini üzüp tashlashni meqset qilghan «nöl yuqumlinish» istratégiyesini yolgha qoyuwatqanliqini ilgiri sürmekte.

xitayning bildürüshiche, bu istratégiye karantina, sayahet cheklimisi we omumiyüzlük tekshürüsh qatarliq qattiq hem keng kölemlik tedbirlerni telep qilidiken.

xitayda bu tedbirlerning, turmushning normal éqimigha tesir qazaqistanqilishi we peyda qilghan zor chiqimliri pat-pat munazire témisi bolmaqta.