shiwétsiye: rusiye yawropagha xewp shekillendüridighan halgha keldi
shiwétsiye dölet mudapie ministiri pétér xultkwist, rusiyening yéqinqi yillardin buyanqi heriketlirining pütkül yawropagha, bolupmu dölitige tehditke aylinishqa bashlighanliqini ilgiri sürdi.
türkiye awazi radiyosi xewiri: shiwétsiye dölet mudapie ministiri pétér xultkwist paytext istokholmda herbiy we mudapie küchi muhakime qilinghan bir yighinda söz qilip, rusiyening yawropaning bixeterlikige xewp shekillendürüwatqanliqini otturigha qoyup : «rusiyening yéqinqi yillardin buyan künséri küchiyiwatqan heriketliri pütkül yawropagha, bolupmu shiwétsiyege tehdit élip keldi» dédi.
birleshken döletler teshkilati (b d t) pirinsiplirigha asasen, barliq döletlerning özining igilik hoquqi barliqini eskertken xultkwist, rusiyening xelqara qanunlargha doél élan qilip, bezi döletlerning bixeterlikige tehdit séliwatqanliqini tekitlidi we sözini dawamlashturup: «shimaliy atlantik okyan ehdi teshkilati – nato bilen hemkarlishishimiz kérek. yawropa ittipaqi shiwétsiyege nisbeten muhim we bixeter siyasiy supa hésablinidu» dégenlerni qeyt qildi.
rusiye pirézidénti wiladimir putin 12 - ayning 21 - künidiki bayanatida amérikani agahlandurup, finlandiye bilen shiwétsiyening natogha kirishini xalimaydighanliqini otturigha qoyghanidi.
shiwétsiye bash ministiri magdaléna andérson wiladimir putingha naraziliq bildürüp: «biz shiwétsiyede tashqi we bixeterlik siyasitimizni özimiz békitimiz, (buninggha) sirttin héchkim arilishashmaydu» dégenidi.
