rusiye: esker chékindürüshke qarar qilish qazaqistanning hoquqi

türkiye awazi radiyosi xewiri: rusiye pirézidéntliq mehkimisi — kirémil bayanatchisi dimitriy péskow küntertiptiki mesililer toghrisida muxbirlargha bayanat berdi.

qazaqistan pirézidénti qasim jömert tokayéwning kolléktip bixeterlik shertnamisi teshkilati tinchliq saqlash qisimlirining 2 kündin kéyin qazaqistandin asta- asta ayrilishqa bashlaydighanliqi toghrisidiki bayanatigha baha bergen péskow: «bu pütünley kolléktip bixeterlik shertnamisi teshkilatigha iltimas qilghan döletning hoquqi. bu ularning tehlili, bizning bu buninggha arilishish hoquqimiz yoq» dédi.

péskow shiwéytsariyening jenwe shehiride tünügün ötküzülgen amérika - rusiye bixeterlik söhbiti toghrisida toxtilip: «hazirche ümidwar bolghudek birer seweb körmeywatimiz» dédi.

u bu söhbetning netijige érishishi lazimliqini tekitlep: «bu bir jeryan shekillendürüsh üchün qilghan ish emes. bu qanaetlinerlik bir ish bolalmaydu. chünki bu yerde netije muhim, netije toghrisida téxi bir nerse dégili bolmaydu» dégenlerni qeyt qildi.

péskow kelgüside yéngi söhbetlerning ötküzülidighanliqi toghrisidiki uchurlarni sözlirige ilawe qildi.