lawrow wang yi bilen qazaqistan weziyiti toghrisida sözleshti
rusiye tashqi ishlar ministiri sérgéy lawrow xitay tashqi ishlar ministiri wang yi bilen téléfonliship, qazaqistan weziyiti toghrisida sözleshti.
türkiye awazi radiyosi xewiri: rusiye tashqi ishlar ministirliqi bayanat élan qilip, sérgéy lawrow bilen wang yining téléfon söhbiti jeryanida, qazaqistan hökümitining asasiy qanunda körsitilgen tertip – intizamni qaytidin kapaletke ige qilishini küchlük qollaydighanliqlirini otturigha qoyghanliqini uqturdi.
söhbette, qazaqistanda yüz bergen weqelerdiki chet küchlerning tesirining endishe peyda qilghanliqi, qazaqistan pirézidénti qasim jömert tokayéwning tehditlerge qarshi del waqtida shundaqla muwazinetlik qedemlerni tashlighanliqi qeyt qilindi.
wang yi söhbet esnasida kolléktip bixeterlik kélishimi teshkilati tinchliq saqlash qisimlirining qazaqistanda yolgha qoyghan tedbirlirige ijabi baha béridighanliqini bildürdi. her ikki dölet wekili shangxey hemkarliq teshkilatining yawro-asiya we ottura asiyaning bixeterlikini kapaletke ige qilishtiki ehmiyitini tekitlep ötti.
söhbette, lawrow dölitining amérika qoshma ishtatliri bilen shéwiyétsariyening jenwe shehiride bashlanghan we shimaliy atlantik okyan ehdi teshkilati – nato bilenmu ötküzülidighan bixeterlik söhbetliri toghrisida wang yini waqiplandurdi.
