niyu york shehiride bir turalghu binasigha ot ketti

niyu yorkning bronks trémont (Bronx'ın Tremont) rayonidiki bir turalghu binasigha ot kétip, 19 kishining jénidin ayrilghanliqi, bularning ichide toqquz kichik balining barliqi bildürüldi.

1759978
niyu york shehiride bir turalghu binasigha ot ketti

türkiye awazi radiyosi xewiri: niyu york pazharni idarisining komissari daniyél nigro (Daniel Nigro) axbarat élan qilish yighinida, bronks trémont rayonigha jaylashqan 19 qewetlik binagha ot ketkenlikini we buninggha bir öydiki tokluq issitquning seweb bolghanliqini bildürdi.

u toqquz kichik balini öz ichige alghan 19 kishi jénidin ayrilghan ot kétish weqeside, ot ketken öyning ishikining ochuq bolushi sewebidin is-tumanlarning téz sürette yuqiridiki qewetlerni qaplap ketkenlikini we 60 tin artuq kishining zeherlengenlikini eskertti.

niyu york sheherlik hökümetning melumatida, weqede jénidin ayrilghan balilarning 16 yash we uningdin kichik ikenliki, binadikilerning köpinchisining gambiyedin kelgen musulmanlar ikenliki qeyt qilindi.

weqede, binadiki 63 kishining yarilanghanliqi, bularning ichide 32 kishining ehwalining éghir ikenliki bildürülgen idi.

niyu york pazharni idarisining komissari daniyél nigro axbarat élan qilish yighinida, yarilanghanlarning köpinchisining binaning eng üstünki qewitidiki öylerde olturidighanliqini eskertip, 200 neper xadimning ot öchürgenlikini uqturdi.

niyu york sheherlik hökümiti toqquz kichik balini öz ichige alghan 19 kishining jénidin ayrilghanliqini, is-tumanlardin zeherlengen kishilerning yéqin jaydiki doxturxanilargha apirilghanliqini élan qildi.



مۇناسىۋەتلىك خەۋەرلەر