нийу йорк шәһиридә бир туралғу бинасиға от кәтти

түркийә авази радийоси хәвири: нийу йорк пажарни идарисиниң комиссари данийел нигро (Daniel Nigro) ахбарат елан қилиш йиғинида, бронкс тремонт райониға җайлашқан 19 қәвәтлик бинаға от кәткәнликини вә буниңға бир өйдики токлуқ исситқуниң сәвәб болғанлиқини билдүрди.

у тоққуз кичик балини өз ичигә алған 19 киши җенидин айрилған от кетиш вәқәсидә, от кәткән өйниң ишикиниң очуқ болуши сәвәбидин ис-туманларниң тез сүрәттә йуқиридики қәвәтләрни қаплап кәткәнликини вә 60 тин артуқ кишиниң зәһәрләнгәнликини әскәртти.

нийу йорк шәһәрлик һөкүмәтниң мәлуматида, вәқәдә җенидин айрилған балиларниң 16 йаш вә униңдин кичик икәнлики, бинадикиләрниң көпинчисиниң гамбийәдин кәлгән мусулманлар икәнлики қәйт қилинди.

вәқәдә, бинадики 63 кишиниң йариланғанлиқи, буларниң ичидә 32 кишиниң әһвалиниң еғир икәнлики билдүрүлгән иди.

нийу йорк пажарни идарисиниң комиссари данийел нигро ахбарат елан қилиш йиғинида, йариланғанларниң көпинчисиниң бинаниң әң үстүнки қәвитидики өйләрдә олтуридиғанлиқини әскәртип, 200 нәпәр хадимниң от өчүргәнликини уқтурди.

нийу йорк шәһәрлик һөкүмити тоққуз кичик балини өз ичигә алған 19 кишиниң җенидин айрилғанлиқини, ис-туманлардин зәһәрләнгән кишиләрниң йеқин җайдики дохтурханиларға апирилғанлиқини елан қилди.