пакистанда қар вә қаттиқ йамғур апәтлиридә 13 киши қаза қилди
пакистанниң хәйбәр пахтонхва вә балучистан өлкилиридә қар вә қаттиқ йамғур кәлтүрүп чиқарған апәтләрдә 13 киши қаза қилип, йәнә 13 киши йариланди.
1759492
түркийә авази радийоси хәвири: хәйбәр пахтонхваниң һәр қайси районлирида қар вә қаттиқ йамғур сәвәбидин йоллар олтурушуп кетип, нурғун өйләр йеқилип чүшти.
қар вә йамғур кәлтүрүп чиқарған апәт вә һадисиләрдә упәр дирда 6 киши, хәйбәрдә 3 киши, марданда 1 киши һайатидин айрилип, 13 киши йариланди.
балучистанниң утал районидиму қаттиқ йамғур сәвәбидин бир өйниң өгзиси өрүлүп чүшүп, 3 киши қаза қилди.
қар вә қаттиқ йамғурниң тәсиригә учриған районларда издәп қутқузуш хизмәтлири давамлашмақта.
марри шәһиридә түнүгүн қаттиқ қар йеғиши сәвәбидин аптомобилида қисилип қалған 23 киши музлап қаза қилған иди.
