blinkén: ukraina mesilisi tilgha élinmisa söhbet ötküzmeymiz
amérika qoshma ishtatliri tashqi ishlar ministiri antoni blinkén ukraina mesilisi tilgha élinmisa rusiye bilen söhbet ötküzmeydighanliqlirini éytti.
türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi néd prays, diplomatiye ministiri antoni blinkénning ukraina tashqi ishlar ministiri dmitri kuléba bilen téléfonda körüshkenlikini tekitlep mundaq dédi: «téléfon söhbitide, ministir blinkén, amérika qoshma ishtatlirining, rusiyening tajawuzchiliqi aldida ukrainaning musteqilliqi, igilik hoquqi we zémin pütünlükini qoghdash mesiliside her daim kiyéw terepte turidighanliqini tekitlidi, ikki ministir, amérika we ittipaqdashlirining, rusiyening ukraina chégrasigha esker orunlashturushigha bolghan inkasliri we ruslar bilen diplomatik uchur – alaqe qilish qatarliq mesililer heqqide muzakire élip bardi, ministir blinkén, ukraina mesilisi tilgha élinmisa, rusiye bilen söhbet ötküzülmeydighanliqini tekitlidi.»
igilinishiche, amérika we rusiye diplomatliri, mushu ayning axirliri chaqirilidighan amérika qoshma ishtatliri – rusiye istiratégiyelik söhbet yighinida bir yerge jem bolidiken.
