yemende xusiylar élip barghan bashqurulidighan bomba hujumda nurghun esker qaza qildi
yemenning shebwe wilayitige xusiylar teripidin qilinghan ballistik bashqurulidighan bomba hujumda 12 yemen eskiri qaza qildi we nurghun esker yarilandi.
türkiye awazi radiyosi xewiri: shebwege qarashliq asilan nahiyesning bir emeldari yemen armiye qomandanliri bilen öyide yighin échiwatqan peytte, xusiylarning ballistik bashqurulidighan bomba hujumigha uchridi.
hujumda yighinning bixeterlikini saqlawatqan eskerlerdin 12 si hayatidin ayrildi, emma qomandanlardin héch biri ziyan zexmetke uchrimidi.
ne yemen hökümiti yaki xusiylar bu weqe heqqide héchqandaq bayanat élan qilmidi.
uzundin buyan siyasiy muqimsizliq höküm sürüwatqan yemende, iranning qollishi astidiki xusiylar bilen hökümetke qarashliq qisimlar otturisida toqunushlar dawamlashmaqta.
xusiylar 2014-yili 9-aydin bashlap paytext sana we bir qisim rayonlarni kontrolluqi astigha kirgüziwalghan bolup, seudi erebistan bashchiliqidiki birleshme qisimlar 2015-yili 3-aydin béri xusiylargha qarshi yemen hökümitige yardem bermekte.
