шиәндә йемәк-ичмәккә нәрсә-керәкләр алмаштурулмақта
хитайда вухән вируси (Kovid-19) сәвәбидин 23-декабир (2021) дин тартип карантин тәдбирлири иҗра қилиниватқан шиән шәһиридә, хитай хәлқи күндилик йемәк еһтийаҗлирини қамдаш үчүн нәрсә-керәклирини өзара алмаштурмақта.
түркийә авази радийоси хәвири: кириш-чиқиш чәкләнгән 13 милйон нопуслуқ шиән шәһиридә, 28-декабирдин тартип карантин астида туруватқан хәлққә йардәм қилиш үчүн асаслиқ йемәклик әшйалири тарқитилмақта. әмма, бәзи кишиләрниң йемәк-ичмәклириниң түгигәнлики вә йардәмгә еришәлмигәнлики тоғрсидики хәвәрләр иҗтимаий таратқуларда тарқилишқа башлиди.
вейбо торида, карантин астида туруватқанларниң йемәк-ичмәк үчүн тамака, тазилиқ материйаллири вә һәтта електронлуқ буйумлирини йемәкликкә алмаштуруватқанлиқи тоғрисидики хәвәрләр тарқалди.
бир кишиниң тор ойун суписини бир болақ тәййар чөп вә икки мантиға алмаштурғанлиқи, нурғун кишиләр тәрипидин һәмбәһрләнди.
шиәндә 9-декабир (2021) дин буйан вухән вирусиға мунасивәтлик вәқә сани 1793 кә чиқти.
шиән сәһийә комитетиниң муавин башлиқи ма гуаңхуй ахбарат елан қилиш йиғинида, карантин нәтиҗисидә вухән вирусиға мунасивәтлик күнлүк вәқә саниниң бир ханилиқ санға чүшүрүлгәнликини вә кишиләрниң арисида тарқилишини йуқири сәвийәдә контрол астиға алғанлиқлирини билдүрди.
