shimaliy koréye ballistik bashqurulidighan bomba sinaq qildi

türkiye awazi radiyosi xewiri: yaponiye mudapie ministiri kishi nobuo, «ballistik bashqurulidighan bombiliqi melum bir nersining shimaliy koréyening ichki qismidin sherqiy yönilishke qarap qoyup bérilgenliki»ni bildürdi.

u shimaliy koréyening ballistik bashqurulidighan bombisining dölet alahide iqtisadiy rayonining sirtigha chüshti, dep mölcherliniwatqanliqini éytti.

yaponiye bash weziri kishida fumiomu, shimaliy koréyening ötken yilidin buyan dawamlashturuwatqan bomba sinaqliridin «intayin epsuslanghanliqlirini» bildürdi.

u, rayondiki déngiz we hawa qatnishining bixeterlikining jezmleshtürülüshi we her xil éhtimalliqlarni nezerde tutup ziyan éniqlash toghrisida munasiwetlik tarmaqlargha yolyoruq chüshürgenlikini eskertti.

jenubiy koréye bash qomandanliq ishtabi, bashqurulidighan bomba siniqining shu jay waqti saet 8 din 10 minut ötkende ishqa ashurulghanliqini we weziyetni amérika qoshma ishtatliri bilen hemkarliq ornatqan asasta yéqindin közetkenliklirini uqturdi.