borrél bilen stolténbérg ukraina-rusiye mesilisini muzakire qildi
yawropa ittipaqi tashqi munasiwetler we xewpsizlik siyasetliri aliy wekili josép borrél ukraina ziyatidin burun, nato bash katipi stolténbérg bilen téléfonda körüshti.
türkiye awazi radiyosi xewiri: yawropa ittipaqi tashqi munasiwetler we xewpsizlik siyasetliri aliy wekili josép borrélning nato bash katipi stolténbérg bilen téléfonda körüshkenliki toghrisida bayanat élan qilindi.
bayanatta bildürülishiche, rusiyening ukraina chégrasidiki herbiy paaliyetliri, moskwaning amérika we natogha bergen xewpsizlik kapaletliri témisida ikki kélishim teklipi muzakire qilinghan.
bayanatta, borrél bilen stolténbérg ukrainaning zémin pütünlüki we igilik hoquqini qollaydighanliqlirini tekrarlap, 12-yanwar (2022) da ötküzülidighan nato-rusiye kéngishi yighinining teyyarliqliri mesilisi üstidimu söhbetleshkenliki bildürüldi.
borrél yawropaning xewpsizlikige munasiwetlik her qandaq uchrishishning, yawropa xewpsizlik we hemkarliq teshkilati bilen b d t ramkisidiki wediler bilen mesuliyetlerni kücheytidighan shekilde ötküzülüshi kéreklikini tekitlidi.
yéqinqi waqitlarda rusiyening ukraina chégrasida yüz bériwatqan herbiy paaliyetler sewebidin moskwa bilen gherb otturisida yirikchilikler kücheygen idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
