аббас: исраилийәниң ишғалийитини ахирлаштуридиған сийасий басқучқа еһтийаҗ бар

түркийә авази радийоси хәвири: аббас, пәләстиниң рәсмий хәвәр агентлиқи (вафа) ға бәргән байанатида, фәтиһ һәрикити инқилабий кеңишиниң 9 – нөвәтлик хизмәт йиғининиң ечилишида қилған сөзидә, һечкимниң пәләстин хәлқини йоққа чиқириветәлмәйдиғанлиқини тәкитләп мундақ деди: «исраилийәниң ишғалийитини ахирлаштуридиған бир сийасий басқучқа еһтийаҗ барлиқини пүткүл дунйаға уқтурдуқ, пәләстин азадлиқ тәшкилати мәркизий комитети бир йиғин чақириду, йиғинда, миллий давалар вә өзгәрмәс қиммәт өлчәмлирини қоғдаш мәқситидә муһим қарарлар мақуллиниду, шуңа бу йиғин наһайити зор әһмийәткә игә, дәрвәқә, мәркизий комитет, пәләстин хәлқи вә һәққаний давасиниң мәнпәәтлири мәсилисидә «һәл қилғуч» қарарларни чиқириш һоқуқиға игә.»