putin erdoghanning yéngi yilini tebriklidi

türkiye awazi radiyosi xewiri: kirémil sariyining bildürüshiche, rusiye pirézidénti wiladimir putin jumhur reis rejep tayyip erdoghangha yollighan tebrik télégrammisida, «kowid – 19» yuqumigha qarimay, rusiye – türkiye munasiwetlirining soda – iqtisad, énérgiye we herbiy téxnika saheliride tereqqiy qilishi yolida nahayiti zor tirishchanliq körsitiliwatqanliqini tekitlesh bilen bir waqitta, alem boshluqida tinchliq asasida izdinish we «kowid – 19» yuqumi waksinisi ishlepchiqirishta hemkarliq ornitish pursiti barliqini eskertip mundaq dédi: «ortaq teshebbuslar arqiliq rayonning muqimliqi we bixeterlikini kücheytish meqsitide, dostane rusiye we türkiye xelqlirining menpeeti üchün xelqaraliq mesililerde qoyuq hemkarliq we mol mezmunluq ikki tereplik hemkarliqning téximu tereqqiy qildurulidighanliqigha ishinimen.»