blinkén firansiye, gérmaniye we engliye tashqi ishlar ministirliri bilen téléfonlashti
amérika qoshma ishtatliri tashqi ishlar ministiri antoni blinkén firansiye tashqi ishlar ministiri yén ywés lé drian, gérmaniye tashqi ishlar ministiri annalina bayérbok we engliye tashqi ishlar weziri élizabét tras bilen téléfonda körüshti.
türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi néd praysning, bu heqte élan qilghan yazma bayanatida bildürüshiche, tashqi ishlar ministiri antoni blinkén, firansiye tashqi ishlar ministiri yén ywés lé drian, gérmaniye tashqi ishlar ministiri annalina bayérbok we engliye tashqi ishlar weziri élizabét tras bilen téléfonda körüshken. téléfon söhbitide, ukrainani öz ichige alghan rayonluq we xelqaraliq mesililer muzakire qilinghan, rusiyening ukrainagha qarshi «tajawuzchiliqi» aldida hemkarliq asasida heriket qilishning zörürlüki tekitlengen, bu mesile téximu murekkepliship ketken teqdirde, buning rusiyege nisbeten éghir aqiwetlerni keltürüp chiqidighanliqi toghruluq ortaq tonush hasil qilinghan.
musteqilliqi, igilik hoquqi we zémin pütünlüki mesiliside dawamliq ukraina terepte turidighanliqlirini bayan qilghan ministirlar, iranning yadro pirogrammisini tézleshtürüshige qarita endishilerni otturigha qoyghan.
buningdin bashqa yene, xitayning siyasiy we iqtisadiy bésimi aldida litwaniye bilen bir septe küresh qiliwatqanliqlirini eskertken ministirlar, liwiyening derhal memliketlik saylam ötküzüsh tirishchanliqliri toghriliqmu muzakire élip barghan.
