türkiye natodiki qomandanliq wezipisini firansiyege ötküzüp béridu

türkiye awazi radiyosi xewiri: nato bayanat élan qilip, türkiyedin qomandanliq wezipisini ötküzüwalidighan firansiyening aldimizdiki bir yil boyiche nato qisimlirining qomandanliqini öteydighanliqini uqturdi.

mezkur qisimning asasiy gewdisini 2022 – yili 3500 eskerdin terkib tapidighan firansuz – gérman birigadasi shekillendüridu. buningdin bashqa ispaniye, portugaliye we polshamu bu qomandanliqqa esker ewetidu.

intayin yuqiri teyyarliq sewiyesidiki birleshme wezipe ötesh qisimliri, rusiyening ukrainani muqimsizlashturush heriketliri we iraqning shimalidiki qalaymiqanchiliqlargha oxshash her xil bixeterlik muhiti közde tutulup 2014 – yili qurulghanidi.

gollandiyediki nato ittipaqdash armiye qomandanliq ishtabi qomandanliqidiki 40,000 kishilik nato jengchi qisimlirining bir parchisi bolghan intayin yuqiri teyyarliq sewiyesidiki birleshme wezipe ötesh qisimliri, ittipaqni qoghdash üchün bir nechche kün ichide heriketke öteleydighan halette wezipe kötüp turidu.

bu qisimning qomandanliqini her yili  natogha eza bashqa bir ittipaqdash dölet üstige alidu. firansiye 2023-yili 1-yanwarda wezipini gérmaniyege ötküzüp béridu.