xongkongda saqchilar öktichilerni tutqun qilmaqta

türkiye awazi radiyosi xewiri: xongkongda 2020-yili küchke ige bolghan bixeterlik qanuni dairiside qolgha élinghan 6 kishining sheherdiki démokratiyeni qollaydighan axbarat organliridin biri bolghan «Stand News» bilen munasiwiti barliqi ilgiri sürüldi we bu qétimqi bésip kérip tutqun qilish herikitige 200 saqchining qatnashqanliqi bildürüldi.

saqchilar «ighwagerchilik tarqitish» dégen bahane bilen qolgha élinghan gumandarlarning öyliriningmu axturulghanliqini élan qildi. emma tutqun qilinghanlarning kimlikini ashkarilimidi.

«jenubiy xitay etigenlik pochta géziti» ning xewirige asaslanghanda, bu kishiler arisida «Stand News» ning birsi hazirqi we yene birsi sabiq  ikki tehriridin bashqa yene, töt sabiq mudiriyet ezasiningmu barliqi melum.

xitayning eng yuqiri qanun chiqirish orgini bolghan memliketlik xelq qurultiyi daimiy komitétida 2020-yili 30-iyun birdek maqullanghan qanun pirézidént shi jinping teripidinmu testiqlanghan idi.  

bölgünchilik, döletni aghdurushqa urunush, wetenge xiyanet qilish we dölet bixeterlikige ziyan yetküzush xaraktérliq heriketlerni chekleydighan bu qanun, xitay hökümitining testiqidin kéyin, xongkongda yerlik hökümetning resmiy gézitide élan qilinip yolgha qoyulghan idi.

bu qanun؛ mezmun étibari bilen eslide 2019-yili iyunda jinayetchilerning xitaygha tapshurup bérilishini öz ichige alghan qanun teklipige qarshi eyni chaghdiki keng kölemlik namayishlarni keltürüp chiqarghan hökümetke qarshi heriketlerni hujum nishan qilidighanliqi bildürülmekte.