хоңкоңда сақчилар өктичиләрни тутқун қилмақта
хитайниң хоңкоң алаһидә мәмурий районида сақчилар өктичиләрниң ахбарат оргиниға бесип керип 6 кишини тутқун қилди.
түркийә авази радийоси хәвири: хоңкоңда 2020-йили күчкә игә болған бихәтәрлик қануни даирисидә қолға елинған 6 кишиниң шәһәрдики демократийәни қоллайдиған ахбарат органлиридин бири болған «Stand News» билән мунасивити барлиқи илгири сүрүлди вә бу қетимқи бесип керип тутқун қилиш һәрикитигә 200 сақчиниң қатнашқанлиқи билдүрүлди.
сақчилар «иғвагәрчилик тарқитиш» дегән баһанә билән қолға елинған гумандарларниң өйлириниңму ахтурулғанлиқини елан қилди. әмма тутқун қилинғанларниң кимликини ашкарилимиди.
«җәнубий хитай әтигәнлик почта гезити» ниң хәвиригә асасланғанда, бу кишиләр арисида «Stand News» ниң бирси һазирқи вә йәнә бирси сабиқ икки тәһриридин башқа йәнә, төт сабиқ мудирийәт әзасиниңму барлиқи мәлум.
хитайниң әң йуқири қанун чиқириш оргини болған мәмликәтлик хәлқ қурултийи даимий комитетида 2020-йили 30-ийун бирдәк мақулланған қанун пирезидент ши җинпиң тәрипидинму тәстиқланған иди.
бөлгүнчилик, дөләтни ағдурушқа урунуш, вәтәнгә хийанәт қилиш вә дөләт бихәтәрликигә зийан йәткүзуш характерлиқ һәрикәтләрни чәкләйдиған бу қанун, хитай һөкүмитиниң тәстиқидин кейин, хоңкоңда йәрлик һөкүмәтниң рәсмий гезитидә елан қилинип йолға қойулған иди.
бу қанун؛ мәзмун етибари билән әслидә 2019-йили ийунда җинайәтчиләрниң хитайға тапшуруп берилишини өз ичигә алған қанун тәклипигә қарши әйни чағдики кәң көләмлик намайишларни кәлтүрүп чиқарған һөкүмәткә қарши һәрикәтләрни һуҗум нишан қилидиғанлиқи билдүрүлмәктә.
