baydin afriqa döletlirige qaratqan sayahet cheklimisini bikar qildi

amérika pirézidénti jo baydin jenubiy afriqa we rayondiki yette döletke qaritilghan sayahet cheklimisini emeldin qaldurdi.

1754025
baydin afriqa döletlirige qaratqan sayahet cheklimisini bikar qildi

türkiye awazi radiyosi xewiri: amérika pirézidénti jo baydin kowid – 19 ning omikron wariyanti sewebidin jenubiy afriqa we rayondiki yette döletke qarita yolgha qoyghan sayahet cheklimisining emeldin qaldulurushini mezmun qilghan qararnamini imzalidi.

aqsaray yazma bayanat élan qilip, pirézidént baydinning wirusning omikron wariyantining amérikada téz sürette tarqilishidin kéyiin 8 afriqa dölitige qaritilghan sayahet cheklimisining 31 – dékabirdin étibaren bikar qilinishini mezmun qilghan qararnamini imzalighanliqini uqturdi.

baydin 11 – ayning 26 – küni jenubi afriqa, botswana, zimbabwé, namibiye, lésoto, éswatini, mozambik we malawi qatarliq afriqa döletlirige sayahet cheklimisi qoyghanidi.

cheklesh dairiside amérika puqrasi yaki waqitliq olturaqlishish ijazetnamisi bolmighan kishiler bu döletlerdin amérikagha baralmaytti.

baydin 12 - ayning 21 - küni afriqa döletlirige qoyghan sayahet cheklimisini bikar qilishni oylishiwatqanliqini élan qilghanidi.


خەتكۈچ: #uyghurche , #sayahet , #afriqa , #amérika

مۇناسىۋەتلىك خەۋەرلەر