aléksandir fumin: natogha rusiyege qarshi keng kölemlik urush qilishqa teyyarliq qilmaqta

türkiye awazi radiyosi xewiri: aléksandir fomin herqaysi döletlerning paytext moskwada turushluq herbiy diplomatliri teklip qilinghan doklat bérish yighinida, natoning paaliyetliri toghrisida toxtaldi؛ natoning yéqindin buyan rusiyeni tizginlesh yolida qedemlerni tashlawatqanliqini tilgha alghan fumin, dölitining soghuq munasiwetler urushidin kéyin (1947-1991) nato bilen alaqe ornitishqa köp qétim urunup körgenlikini éytti.

u, rusiyening gherbiy chégralirini qoralsizlandurghanliqini we gherb döletliri bilen «berpachi hemkarliq munasiwiti ornitish» qa her waqit teyyar ikenlikini otturigha qoyup, natoning «rusiye bilen urushushqa teyyarliq qiliwatqanliqi» ni, «natoning herbiy qurulmisida rusiye bilen keng kölemlik qoralliq toqunushqa teyyarliq qilish toghrisida yéngidin nishanlar békitilgenliki»ni ilgiri sürdi.

fomin, natoning yéqinqi yillardiki herbiy istratégiyesige munasiwetlik höjjetlerde, rusiyening «bixeterlikke qarita asasiy tehdit menbesi» dep qaralghanliqini eskertti.

aléksandir fomin, özlirining amérika bilen natogha her xil bixeterlik kapaletlirini öz ichige alghan 2 türlük kélishim layihesini sunghanliqini bildürüp: «biz berpachi meslihetlerning élip bérilishini, hemde natoning tekliplirimizge tézrek jawab qayturushini ümid qilimiz. biz her waqit söhbetlerni bashlashqa teyyarmiz» dégenlerni qeyt qildi.