ketabii hizbullah iraq yéngi hökümitidin orun almaydighanliqini élan qildi

iraqli qoralliqliridin teshkil tapqan ketaibi – hizbullah (hizbullah birigadasi), 10 - öktebir ötküzülgen saylamgha bezi döletlerning arilashqanliqini ilgiri sürüp, özlirining yéngi kabinétqa qatnashmaydighanliqini uqturdi.

1753539
ketabii hizbullah iraq yéngi hökümitidin orun almaydighanliqini élan qildi

türkiye awazi radiyosi xewiri: ketaibi hizbullah yazma bayanat élan qilip, öktebirde ötküzülgen chong saylamgha isharet qilghan halda: «iraq xelqining heq - hoquqini musadire qilghanlar, zionist (israiliye) – amérika qoshma ishtatliri -  seudi erebistan ittipaqidin yardem alghanidi» dégenlerni ilgiri sürdi.

iraq musteqil yuqiri saylam komitétining saylamning barliq basquchlirida mezkur ittipaqning suyiistémal qilishigha duchar bolghanliqi otturigha qoyulghan bayanatta: «iraq edliye tarmaqlirimu amérikaning baghdadtiki elchixanisi we b d t iraq alahide wekili jénin plasshért qatarliqlarning sépidikilerning pursetpereslik qilishi, tehditi we bésimigha uchridi» dégen ibarilerge orun bérildi.

bayanatta, özlirining yéngi hökümetke qatnashmaydighanliqi, emma hoquqini dawamliq qoghdaydighanliqi tekitlendi.

10 - öktebir iraqta ötküzülgen saylamda, shie mezhipining rehbiri muqteda essedirge qarashliq sedir guruhi, 329 kishilik parlaméntta 73 orunduqqa ériship birinchi bolghan, teqeddum birleshmisi 37  wekil bilen ikkinchi,  qanun döliti birleshmisi 33 wekil bilen üchinchi bolghanidi.


خەتكۈچ: #uyghurche , #saylam , #shie , #iraq

مۇناسىۋەتلىك خەۋەرلەر