yaponiye melikisi bilen tonushushni xalaydighan bir er oghriliqche impériye ordusigha kirdi
yaponiyening impériye ordisi meydanigha oghriliqche kirgen jinayet gumandari saqchilargha bergen bayanatida, özining ordigha 20 yashliq melike ayko bilen tonushush üchün kirgenlikini éytti.
türkiye awazi radiyosi xewiri: ismi ashkarilanmighan 56 yashliq jinayet gumandari bixeterlik tosaqliridin ötüp, tokyodiki impériye ordisi meydanigha kirdi.
tokyo saqchi dairiliri teripidin élan qilinghan bayanatta, tünügün ordining hirakawa mon namliq kirish éghizigha yamiship, meydangha kirgen kishining bixeterlik xadimliri teripidin bayqilip derhal nazaretke élinghanliqi bildürüldi.
jinayet gumandari saqchigha bergen bayanatida, impérator naruxito we impérator xanishi masakoning birdinbir perzenti bolghan 20 yashliq melike ayko bilen tonushmaqi bolghanliqi üchün shundaq qilghanliqini éytti.
dikabirdimu yaponiye impératori naruxito we uning aile-tawabiatliri turidighan akasaka impériye sariyidiki turalghu binasigha ruxsetsiz bösüp kirgen yene bir jinayet gumandari impériye qarawulliri teripidin nazaretke élinghan idi.
qattiq bixeterlik tedbirliri yolgha qoyulghan méhmanxana arqiliq ordigha oghurluqche kirgen 29 yashliq er 2 saettin kéyin bayqalghan idi.
qolgha élinghan gumandarning saqchigha «men impériye ailisidikiler bilen tonushushni xalaytim» dégenliki élan qilinghan bolup, gumandarning birer impériye ailisidikiler bilen körüshken yaki körüshmigenliki toghrisida héchqandaq chüshenche bérilmigen idi.
