wagnér maligha 500 yallanma esker yollidi

türkiye awazi radiyosi xewiri: rus taratquliri, rus yallanma eskerler guruppisi  wagnérning 500 eskirining tünügün malining paytexti bamakogha yétip barghanliqini xewer qildi.

mali dairiliri hazirghiche bu heqte héchqandaq bayanat élan qilmidi.

gherb döletliri birleshme yazma bayanat élan qilip, wagnér guruppisining maligha esker orunlashturushigha naraziliq bildürgenidi؛ bayanatta , maligha esker orunlashturushning gherbiy afriqaning bixeterlik weziyitini yamanlashturuwétidighanliqi we kishilik hoquq depsendichiliki keltürüp chiqiridighanliqi otturigha qoyulup: «sijil tinchliq we muqimliqqa érishish, térrorizmgha qarshi küreshte mali hökümiti we xelqini qollashni wede qilghan xelqaraliq birleshme bolush süpitimiz bilen, mali zéminlirigha yallanma eskerlerning orunlashturulushini qattiq eyibleymiz» dégen ibarilerge orun bérilgenidi.