رۇسىيە گوگۇلغا ئېغىر جەرىمانە قويدى

تۈركىيە ئاۋازى رادىيوسى خەۋىرى: پايتەخت موسكۋادىكى تاگانسكىي سوت مەھكىمىسى، رۇسىيە فېدېراتسىيەسى ئۇچۇر تېخنىكىسى ۋە ئاممىۋى ئاخبارات نازارەتچىلىك ئورگىنىنىڭ گۇگۇل ئۈستىدىن سۇنغان ئەرزىگە قاراپ چىقىپ، گوگۇلنىڭ رۇسىيەدە چەكلەنگەن مەزمۇنلارنى ئۆچۈرمەسلىك ئارقىلىق «قانۇنغا سىستېمىلىق رىئايە قىلمىغانلىقى»غا ھۆكۈم قىلدى ھەمدە گۇگۇلغا 7 مىليارد 221 مىليون رۇبلى جەرىمانە قويدى.

گوگۇل بۇ ھەقتە بايانات بېرىپ، سوتنىڭ قارارىنىڭ تەكشۈرۈلۈپ، كەلگۈسىدە تاشلىنىدىغان قەدەملەرنىڭ بېكىتىلىدىغانلىقىنى ئوتتۇرىغا قويدى.

رۇسىيە مۇشۇنىڭغا ئوخشاش قانۇنغا خىلاپ قىلمىشلار تۈپەيلى بۇنىڭدىن ئىلگىرىمۇ گوگۇلغا 37 مىليون 500 مىڭ رۇبلى جەرىمانە قويغانىدى.