yüzlerche birmaliq taylandqa qéchishqa mejbur boldi

birma armiyesining étnik qoralliq guruppilarning kontrolluqi astidiki bir yézigha hawa hujumi qilishi bilen, yüzlerche kishining taylandqa qachqanliqi bildürüldi.

1752275
yüzlerche birmaliq taylandqa qéchishqa mejbur boldi

türkiye awazi radiyosi xewiri: birma armiyesi bilen herbiy özgirishke qarshi étnik qoralliq guruppilar otturisida toqunushlar dawamlashmaqta.

birma armiye küchliri karen milliy ittipaqining kontrolluqi astidiki lay kay kaw yézisigha hawadin hujum qildi.

yerlik mesullar we rayon ahalilirining melumatlirigha asaslanghanda, birma armiyesining éghir tipliq zembirekler bilen topqa tutushi we hawa bombardimani sewebidin yüzlerche birmaliq deryadin ötüp taylandqa qéchishqa mejbur bolghan.

toqunushlar sewebidin ötken heptimu 2 ming 500 yéza xelqi taylandning maé sot rayonigha qéchishqa mejbur bolghan idi.

rayonda shiddetlik toqunushlar künséri zoriyiwatqan bolup, qoral, bomba we urush ayropilanliri awazining taylandqa angliniwatqanliqi, partlashlarning tesiride öylerning silkinip ketkenliki qeyt qilindi.

karen milliy ittipaqi ötkenki künlerde, b d t din birma armiyesining hawa hujumlirini toxtitish üchün kayin ishtatini uchush cheklengen rayon élan qilinishini telep qilghan idi.

birmada armiye 2021-yili féwralda mewjut hökümetni texttin chüshürüp hakimiyetni qolgha alghandin buyan herbiy özgirishke qarshi qoralliq étnik guruppilar bilen armiye küchliri otturisida shiddetlik toqunushlar yüz bermekte.

karen milliy ittipaqi qoralliqliri 1.6 milyon kishi yashaydighan sherqtiki taghliq rayoni üchün aptonomiye telep qilghan qoralliq étnik guruppilardin biri süpitide bilinidu.   



مۇناسىۋەتلىك خەۋەرلەر