amérika ukraina chégrasidiki jiddiychilikte rusiyeni eyiblidi
amérika ukraina we rusiye chégrasidiki jiddiychilikning birdinbir menbesining rusiyening herikiti we bayanatliri ikenlikini élan qildi.
1752040
türkiye awazi radiyosi xewiri: aqsaray bayanatchisi psaki axbarat élan qilish yighinida, muxbirlarning küntertip toghrisidiki soallirigha jawab berdi.
u rusiyening amérika we nato döletlirige sunghan bixeterlik teklipliri toghrisida: «diplomatik uchrishishlar üstide izdiniwatimiz. rusiye otturigha qoyghan tekliplerning bezilirige qoshulimiz, emma bezilirige hergiz qoshulmaymiz» dédi.
u putinning amérika we shériklirining ukraina chégrasida jiddiychilikni keskinleshtürüwatqanliqi toghrisidiki gep-sözlirini keskin ret qilip: «bu intayin külkilik. biz rusiye we ukraina chégrasida körgen birdinbir urushqaqliq, rusiyening rayongha esker toplishi we rusiye rehberlirining urushqaq hujum xaraktérlik gep-sözliridur» dédi.