америка украина чеграсидики җиддийчиликтә русийәни әйиблиди
америка украина вә русийә чеграсидики җиддийчиликниң бирдинбир мәнбәсиниң русийәниң һәрикити вә байанатлири икәнликини елан қилди.
1752040
түркийә авази радийоси хәвири: ақсарай байанатчиси псаки ахбарат елан қилиш йиғинида, мухбирларниң күнтәртип тоғрисидики соаллириға җаваб бәрди.
у русийәниң америка вә нато дөләтлиригә сунған бихәтәрлик тәклиплири тоғрисида: «дипломатик учришишлар үстидә издиниватимиз. русийә оттуриға қойған тәклипләрниң бәзилиригә қошулимиз, әмма бәзилиригә һәргиз қошулмаймиз» деди.
у путинниң америка вә шериклириниң украина чеграсида җиддийчиликни кәскинләштүрүватқанлиқи тоғрисидики гәп-сөзлирини кәскин рәт қилип: «бу интайин күлкилик. биз русийә вә украина чеграсида көргән бирдинбир урушқақлиқ, русийәниң районға әскәр топлиши вә русийә рәһбәрлириниң урушқақ һуҗум характерлик гәп-сөзлиридур» деди.
