xitayda 66 milyon yil ilgirige tewe dinozawr tuxumi qatmisi tépildi
xitayda 66 milyon yil ilgirige tewe tuxumdin chiqish aldida turghan we nahayiti yaxshi saqlanghan dinozawr törelmisi tépildi.
türkiye awazi radiyosi xewiri: xitayning jenubidiki genjoda chishsiz «Oviraptorosaur» tipidiki dinozawrgha tewe tuxumning qalduqliri tépildi.
tuxumdin chiqishqa az qalghan dinozawr törelmisining nahayiti yaxshi saqlanghanliqi bildürüldi.
bérminham uniwérsitétining tetqiqatchisi fiyon waysum ma: bu bayqashning ehmiyitini chüshendürüp: «tarixta haziriche bayqalghan eng yaxshi dinozawr törelmisining biri» dédi.
bu bayqashni ishqa ashurghan alimlar törelmide bashning bedenning astigha igik we putliriningmu yantu shekilde igik ikenlikini bildürüp, bu ehwalning dinozawrlarda ilgiri körülüp baqmighanliqini eskertti.
bu körünüshning tuxumni sundurup chiqish aldida turghan qushlarning sheklige oxshaydighanliqi bayan qilindi.
tetqiqatchi fiyon waysum ma: «bu bügünki qushlarning turush sheklining dinozawr ejdadliridin tereqqiy qilghanliqini körsitip béridu» dédi.
