b d t daimiy ezaliri yemen hökümitining islahat qedemlirini qollaydighanliqini bildürdi
birleshken döletler teshkilati (b d t) xewpsizlik kéngishige eza döletler yemen hökümitining iqtisadiy muqimliq we xelqqe mulazimet qilidighan islahatlarni yolgha qoyushini qollaydighanliqini jakarlidi.
türkiye awazi radiyosi xewiri: amérika qoshma ishtatlirining yemendiki elchixanisi twittérdiki adrésida yazma bayanat élan qilip, b d t ning amérika, xitay, rusiye, engliye we firansiye qatarliq daimiy ezalirining wekilliri seudi erebistanning paytexti riyadta yemen bash ministiri muin abdulmelik bilen körüshüp, yuqirida tilgha élinghan döletlerning bash ministir abdulmelikning yemen xelqini asasiy mulazimet bilen teminlesh, shundaqla hökümet organlirining xizmitini kücheytish, iqtisadning muqimliqigha kapaletlik qilish we islahatni yolgha qoyush tirishchanliqini toluq qollaydighanliqini tekitligenlikini bildürdi.
yene bir tereptin , amérika tashqi ishlar ministirliqining yéqin sherq ishliri ishxanisi twittérdiki adrésida bayanat élan qilip, amérikaning yemen alahide wekili tim léndérkingning yemen bash ministiri abdulmelik bilen téléfon söhbiti ötküzüp, yemen hökümitining iqtisadning muqimliqi üchün muhim qedem tashlighanliqini, iane qilghuchi döletlerning yardimi sayisida bu qedemlerni téximu ilgiri sürüshni xalaydighanliqlirini ipadiligenlikini uqturdi.
