amérikadiki yuqumlanghuchilarning %73 ide wirusning omikron wariyanti bayqaldi

amérika qoshma ishtatliridiki yuqumlanghuchilarning %73 ide wirusning omikron wariyanti bayqaldi.

1750590
amérikadiki yuqumlanghuchilarning %73 ide wirusning omikron wariyanti bayqaldi

türkiye awazi radiyosi xewiri: amérika qoshma ishtatliridiki kowid – 19 din yuqumlanghuchilarning %73 ide wirusning omikron wariyanti bayqaldi.

amérika késelliklerning aldini élish we kontrol qilish merkizi bayanat bérip, wirusning omikron wariyantining yéqinqi bir heptidin buyan amérikadiki yuqumlanghuchilar arisida alte hesse köpeygenlikini uqturdi.

bayanatta, wirusning omikron wariyantining nyuyork rayoni, sherqiy jenub, ottura gherbiy qisim we tinch okyanning gherbiy shimalidiki yuqumlanghuchilarning  %90 ide؛ amérika miqyasidiki yuqumlanghuchilarning %73 de bayqalghanliqi otturigha qoyuldi.

bayanatta, omikronning délta we bashqa wariyantlarni arqida qaldurup, dölettiki asasliq wariyantqa aylanghanliqi qeyt qilindi.

amérika késelliklerning aldini élish we kontrol qilish merkizining sanliq melumatlirigha qarighanda, ötken hepte amérikada 650 mingdin  artuq ademde wirusning omikron wariyanti bayqalghan, noyabirning axirigha qeder yuqum bayqalghanlarning  %99.5 i délta wariyantidin yuqumlanghuchilar idi.

amérika késelliklerning aldini élish we kontrol qilish merkizi mudiri doktor rochél walénskiy, yéngi reqemlerning bashqa döletlerde körülüwatqan omikron wariyanti köpiyishini ekis ettüridighanliqi bayan qilinip: «bu sanliq melumatlar heyran qalarliq emes» dégenlerni qeyt qildi.


خەتكۈچ: #uyghurche , #omikron , #yuqum , #amérika

مۇناسىۋەتلىك خەۋەرلەر