amérika ukraina toghrisida sayahet agahlandurushi élan qildi
amérika tashqi ishlar ministirliqi yuqum we rusiyening tehditi sewebidin amérika puqralirini ukrainagha «sayahetke barmasliq» toghrisida agahlandurdi.
türkiye awazi radiyosi xewiri: amérika tashqi ishlar ministirliqi bayanat élan qilip, ukraina toghrisida 4 – derijilik sayahetke barmasliq agahlandurushi élan qilinghanliqini uqturdi.
bayanatta, bu agahlandurushning yuqum, rusiyening künséri küchyiwatqan tehditi, bir qisim rayonlarda peyda bolushqa bashlighan ichki malimanchiliq we jinayet xewpliri közde tutulup chiqirilghanliqi qeyt qilindi.
tashqi ishlar ministirliqining bu döletke bolghan bahasini öz ichige alghan bayanatta: «amérika puqraliri rusiyening ukrainagha qarshi muhim herbiy heriket qozghashni pilanlawatqanliqi toghrisidiki xewerlerdin waqip bolushi kérek. amérika puqralirigha yene, ukraina chégraliri ichidiki, rusiye teripidin qoshuwélinghan qirim we rusiye teripidin kontrol qiliniwatqan sherqiy ukrainadiki bixeterlik sharaiti mölcherligüsiz bolup, nahayiti asanla nacharliship kétish mumkinliki xatirilitilidu» dégen ibarilerge orun bérildi.
bayanatta, ukrainagha bérishqa mejbur bolup qalghan amérika puqraliri, rusiyening herbiy heriket élip bérish éhtimalliqi bolghan rayonlarda, rusiye kontrolluqidiki qirim, donétsiki we luxaniski qatarliq rayonlardiki konsulxana xizmetliriningmu éghir tesirge uchrighanliqi toghrisida agahlanduruldi.
