amérika afghanistangha yardem bérishni dawamlashturidighanliqini uqturdi

türkiye awazi radiyosi xewiri: amérika tashqi ishlar ministirliqi bayanatchisi néd prays kündilik muxbirlarni kütüwélish yighinida, amérikaning afghanistan xelqige insaniy yardem bérishte bashlamchi boluwatqanliqini, washingtonning afghanistandiki weziyettin xewerdar ikenlikini bildürüp: «insaniy yardem mesilisige kelsek, amérika qoshma ishtatliri afghanistan xelqige insaniy yardem bérishte rehberdur. peqet awghust éyining mabeynide (afghanistangha) 208 milyon dollar, bu yil jeryanida bolsa, 475 milyon dollar yardem qilduq» dédi.

amérika afghanistan xelqining qish peslidiki maddiy qiyinchliqlirini yéngishige yardemchi bolush üchün b d t bilen hemkarlishiwatqanliqini bildürgen prays, amérikaning xewp astidiki afghanlarning orunlirini almashturush wediside turidighanliqini sözlirige ilawe qildi.