yawropa ittipaqi rusiye bilen bolghan muzakirelerde üstelde bolushni telep qilmaqta

yawropa ittipaqi tashqi munasiwetler we xewpsizlik siyasetliri aliy wekili josép borrél (Josep Borrell) rusiye bilen ötküzülüwatqan muzakirelerde yawropa ittipaqiningmu bolushi kéreklikini éytti.

1749827
yawropa ittipaqi rusiye bilen bolghan muzakirelerde üstelde bolushni telep qilmaqta

türkiye awazi radiyosi xewiri:  yawropa ittipaqi tashqi munasiwetler we xewpsizlik siyasetliri aliy wekili josép borrél rusiye etrapida shekilliniwatqan yéngi özgirishler üstide toxtaldi.

u: «yawropa ittipaqining bu talash-tartishlarning ayrilmas bir parchisi bolushi kérekliki nahayiti roshen» dédi.

yawropa ittipaqi, rusiye-amérika we nato üchbulungida ötküzülüsh éhtimali bolghan her qandaq muzakirelerde, üstelde bolushini telep qilmaqta.

bu heqtiki bayanat, yawropa ittipaqi tashqi munasiwetler we xewpsizlik siyasetliri aliy wekili josép borrél teripidin élan qilindi.

u rayonning nöwettiki weziyiti toghrisidiki yazmisida, diplomatiye oxshash oylaydighan tereplerning hemkarliqi astida élip bérilghan ehwal astida eng yaxshi netijige érishkili bolidighanliqini tekitlidi.

u mundaq dédi:

«yawropa xewpsizlik  binakarliqi heqqidiki her qandaq talash-tartishta, elwette yawropa ittipaqi üstelde bolushi kérek. rusiye tashqi ishlar ministirliqi gherbtin kapalet telep qilghan teklip layihesi, natoning yawropadiki ezalirighimu munasiwetlik. shunga, yawropa ittipaqining bu talash-tartishlarning ayrilmas bir parchisi bolushi kérekliki nahayiti roshen. yawropa xewpsizlik we hemkarliq teshkilati rusiye bilen bolidighan her qandaq uchirishishqa asas bolalaydu.»

rusiye amérika bilen natogha ewetken xewpsizlik kapaliti teklipide, natoning sherqqe biwaste kéngiyishtin waz kéchish toghrisida wede bérishni telep qilghan idi.

rusiye teklipide yene, amérikaning sabiq sowétler ittipaqi döletliride we natogha eza bolmighan döletlerde herbiy baza qurmasliqni telep qilghan idi.



مۇناسىۋەتلىك خەۋەرلەر