gabriél borich chilining eng yash pirézidénti boldi
chilida ötküzülgen ikkinchi qétimliq pirézidéntliq saylimida, köpinchisi échilghan bélet sanduqining netijisige asaslanghanda, sol qanat namzat gabriél borich döletning yéngi pirézidénti bolghan.
1749767
türkiye awazi radiyosi xewiri: chili saylam mulazimet merkizi (sérwél) ning sanliq melumatigha asaslanghanda, hazirgha qeder saylam sanduqlirining %92 i échilghan bolup, netijige asasen sol qanat «étibarni qullaymen» ittipaqining namzati gabriél borich % 55, we ong qanat jumhuriyetchiler partiyesi namzati josé antoniyo kast %44 awazgha érishken.
josé antoniyo kast tiwittér adrésida élan qilghan bayanatida, «men borik bilen sözleshtim we uning zor ghelibisini tebriklidim. bügündin bashlap u chilining saylanghan pirézidéntidur. u barliq hörmet we ijabiy hemkarliqqa layiq. chili hemishe birinchi orunda turidu» dédi.
shundaq qilip, 35 yashliq gabriél borich chilining eng yash pirézidéntigha aylandi.
