aljiriye bash ministiri türkiye-afriqa hemkarliqigha yuqiri baha berdi
aljiriye bash ministiri eymen bin abduraxman türkiye-afriqa hemkarliqining muweppeqiyetlik bolushi üchün barliq zörür sharaitlarning hazirlanghanliqini éytti.
türkiye awazi radiyosi xewiri: bin abduraxman istanbulda ötküzülgen 3-nöwetlik türkiye-afriqa hemkarliq yighinida nutuq sözlidi.
bash ministir bin abduraxman: «hem 2008-yili ötküzülgen bashliqlar yighinidin buyanqi kücheygen siyasiy irade nuqtisidin hem 2063 - yilliq nishangha qarap mezmut qedemler bilen ilgirilewatqan afriqa qitesidiki iqtisadiy tereqqiyat amilliri nuqtisidin bu hemkarliqning muweppeqiyiti üchün kéreklik pütün imkaniyetler mawjut» dédi.
bin abduraxman aljiriye bolush süpiti bilen türkiye-afriqa hemkarliqini qollaydighanliqini we uni xelqning arzusigha mas kélidighan sewiyige yetküzüsh üchün tirishidighanliqini tekitlep, «aljiriyening bu hemkarliqni qollishi؛ bizmu bir parchisi bolghan we tereqiqyati üchün boshashmay tirishqan qitemizni bir yerge qem qilghanliqidindur. türkiye bilen bolghan yüzlerche yilliq tarixqa ige ötmüshimiz, ortaq tariximiz, medeniyet we ijtimaiy munasiwitimizdindur» dédi.
