amérikada tunji qétim bir musulman «diniy erkinlik elchiliki»ge teyinlendi

türkiye awazi radiyosi xewiri: amérika pirézidénti jo baydin teripidin 30  -  iyul «amérikaning xelqara diniy erkinlik elchisi» bolushqa tewsiye qilinghan reshad hüseyinning kandidatliqi tünügün kéngesh palatasi omumiy yighinida awazgha qoyulup, 5 ke qarshi 85 kishining qollishi bilen maqulluqtin ötti؛ shundaq qilip, reshad hüseyin bu wezipige teyinlengen tunji musulman dégen namgha érishti.

hüseyin tégi hindistanliq bir musulman ailining perzenti bolup, amérikaning wayoming ishtatida dunyagha kelgen؛ siyasiy penler, erebche we islamiy ilimler boyiche tehsil körgen we yalé uniwérsitétidin piroféssorluq unwanigha érishken.

nöwette amérika dölet bixeterlik kéngishining hemkarliq we yershari alaqe diréktori bolup wezipe ötewatqan hüseyin, buningdin ilgiri edliye ministirliqining dölet bixeterlik bölümide xizmet qilghanidi.

u, amérikaning sabiq pirézidéntliridin barak obama dewride amérikaning islam hemkarliq teshkilati alahide wekili we térrorluqqa qarshi istratégiyelik küresh alahide wekili bolup wezipe ötigenidi.