исраилийә  қуддуста пәләстинликләрниң өйини чеқивәтти

түркийә авази радийоси хәвири: пәләстиндики «вади һилва учур мәркизи» намлиқ пуқрави тәшкилатниң байанатиға қариғанда, исраилийә қуддус шәһәрлик һөкүмәткә қарашлиқ иш машинилири,  исраилийә дөләт хәвпсизлик күчлириниң һемайиси астида, шәһәрниң оттура қисмиға җайлашқан силван вә тур районлирида, һәмдә шәһәрниң җәнубидики җәбәл әлмукәббир районида, пәләстинликләргә  аит 3 өйни чеқип,  вәйран қиливәткән.

байанатта тәкитлинишичә, чеқиветилгән өйләрдә, балиларниму өз ичигә алған онларчә пәләстинлик йашайдикән.

силван районидики өйи чеқиветилгән мәҗди хиллиси, «вади һилва учур мәркизи» тәшкилатиға бәргән байанатида, көп қетим илтимас сунған болушиға қаримай, исраилийә даирилириниң қурулуш иҗазити беришни рәт қилғанлиқини ейтти.