америкада мәҗбурий ваксина әмләш бәлгилимиси әмәлдин қалдурулидиғандәк қилиду
пирезидент җо байдинниң 100 дин артуқ хизмәтчиси бар карханилардики хадимлар үчүн йолға қойған мәҗбурий ковид-19 ваксиниси әмләш бәлгилимисини әмәлдин қалдуруш үчүн сунулған қарар лайиһәси америка кеңәш палатаси тәрипидин тәстиқланди.
түркийә авази радийоси хәвири: кеңәш палатаси омумий йиғинида өткүзүлгән беләт ташлашта, байдинниң хизмәтчиләргә йолға қойған ваксина әмләш мәҗбурийитини бикар қилиш тоғрисидики қарар лайиһәси 48 рәт авазға қарши 52 қоллаш авази билән қобул қилинди.
100 кишилик кеңәш палатасиниң йеримини тәшкил қилидиған җумһурийәтчиләр партийәси әзалириниң һәммиси қанун лайиһисини қоллап беләт ташлиди.
демократчиларниң кеңәш палата әзаси җон тестер вә җо манчинниңму җумһурийәтчиләр партийәси билән биргә қоллап беләт ташлиғанлиқи һәмминиң диққитини тартти.
бу қанун лайиһәси иккинчи тәстиқ үчүн авам палатасиниң омумий мәҗлисигә йолланди.
байдин синтәбирдә 100 дин артуқ хизмәтчиси бар карханиларға ваксинаниң мәҗбури болидиғанлиқини җакарлиғанда, җумһурийәтчиләр партийиси наразилиқ билдүргән иди. шуниң билән байдин һөкүмити ваксина әмләшниң 4-декабир дәп бәлгиләнгән вақтини 4-йанварға өзгәрткән болсиму, наразилиқлар давамлашқан иди.
йәнә бир тәрәптин, байденниң мәҗбурий ваксина әмләш қарариға қарита нурғун иштатлар әрз сунған вә федератсийә сот мәһкимиси бу қарарни тоңлатқан иди.
