riyad firansiye taratqulirining qashiqji weqesige chétishliq gumandar toghrisidiki xewerlirini ret qildi

türkiye awazi radiyosi xewiri: riyad, bir seudi erebistan puqrasining seudi erebistanliq zhurnalist jamal qashiqji weqesi bilen chétishliqi barliqi ilgiri sürülüp firansiyening paytexti parizhdiki charléz dégol ayrodurumida nazaret astigha élinghanliqi toghrisidiki xewerlerning rast emeslikini jakarlidi.

seudi erebistanning parizhda turushluq bash elchisi twittérdiki adrésida dölitining tashqi ishlar ministirliqini menbe qilghan halda bayanat élan qilip, nazaret astigha élinghan kishining mezkur weqe bilen héchqandaq alaqisining yoqluqini eskertti.

ayrodurumda nazaret astigha élinghan kishining derhal qoyup bérilishining telep qilinghanliqigha isharet qilinghan bayanatta: «dölet puqrasi merhum qashiqji jinayitige arilashqanliqi éniqlanghan barliq kishilerning jazaliri seudi erebistan edliyesi teripidin késilgen bolup, nöwette ularning jazaliri ijra qilinmaqta» dégen ibarilerge orun bérildi.

firansiye taratqulirining edliye tarmaqlirini menbe qilghan xewerliride, qashiqjining istanbuldiki seudi erebistan konsulxanisida öltürülüshi bilen chétishliqi bar bir gumandarning parizhdiki charlés dégol ayrodurumining chégra mudapie qisimliri teripidin narazet astigha élinghanliqi bildürülgenidi.

xewerlerde, 33 yashliq gumandar xalid eluteybining seudi erebistanning paytexti riyadqa kétish üchün ayropilangha olturush esnasida tutulup qalghanliqi ilgiri sürülgenidi.

seudi erebistan text warisi shahzadisi muhemmed bin selmangha qaratqan tenqidliri bilen tonulghan «washington pochtisi» gézitining iston yazghuchisi jamal qashiqjining 2018 – yili 2 – öktebir seudi erebistanning istanbuldiki konsulxanisida öltürülüp, jesitining parchiliwétilgenliki ashkarilanghanidi.