parizh saqchiliri qashiqji qatilliq jinayitining seudi erebistanliq bir gumandarini qolgha aldi
seudi erebistanliq zhurnalist jamal qashiqjining seudi erebistanning istanbuldiki konsulxanisida öltürülüsh weqesige chétishliq bir gumandarning firansiyening paytexti parizhda qolgha chüshürülgenliki bildürüldi.
türkiye awazi radiyosi xewiri: firansiye metbuatlirining edliye menbelirini asas qilghan xewerliride, jamal qashiqji qatilliq jinayiti bilen chétishliqi bar bir gumandarining parizh charléz dégol ayrodurumining chégra mudapie saqchiliri teripidin nazaret astigha élinghanliqi qeyt qilindi.
xewerlerde, 33 yashliq gumandar xalid eluteybining seudi erebistanning paytexti riyadqa kétish üchün ayropilangha olturush esnasida tutulup qalghanliqi bildürüldi.
seudi erebistan text warisi shahzadisi muhemmed bin selmangha qaratqan tenqidliri bilen tonulghan «washington pochtisi» gézitining iston yazghuchisi jamal qashiqjining 2018 – yili 2 – öktebir seudi erebistanning istanbuldiki konsulxanisida öltürülüp, jesitining parchiliwétilgenliki ashkarilanghanidi.
