bangladishta 20 ademge ölüm jazasi bérildi
bangladishta 2019-yili bir uniwérstét oqughuchisini twittérda hökümetni tenqid qilghan uchurlarni hembehirligenliki sewebidin urup öltürüwetken 20 ademge ölüm jazasi bérildi.
türkiye awazi radiyosi xewiri: bangladish paytexti dakkada sot mehkimisi abrar faxad isimlik uniwérstét oqughuchisini urup öltürüsh jinayiti bilen eyiblengen 20 ademge ölüm jazasi berdi. besh ademni muddetsiz qamaqqa höküm qildi.
uniwérstétning ikkinchi yilliq oqughuchisi bolghan faxad twittérda 2019-yili 7-öktebir hindistan bilen bangladish otturisida imzalanghan kélishimde, hökümetni we bash ministir sheyx hasinani tenqid qilghan uchurlarni hembehirligenliki üchün, hakimiyet béshidiki awami birleshmisining oqughuchi qaniti «bangladish chhatra birleshmisi» ge eza ikenliki ilgiri sürülgen oqughuchilar teripidin urup öltürüwétilgen idi.
faxad öltürülgendin kéyin, pütkül bangladishta namayishlar partlighan idi.
bangladish bash minstiri hasina weqege munasiwetlik tekshürüsh buyruqini chüshürüp, faxadning ailisige adaletning emelge ashidighanliqi toghrisida wede bergen idi.
2019-yili 13-noyabir dakka sot mehkimisi saqchilarning «bangladish chhatra birleshmisi» ning 25 rehbiri we ezasining weqege chétishliq ikenliki toghrisidiki doklatidin kéyin, sotlashni bashlighan idi.
