b d t: yéqindin buyan afghanistandin chiqip kétishke urunghuchilar sani köpiyiwatidu
birleshken döletler teshkilati (b d t) musapirlar ishliri aliy komissari filippo grandi, yéqinqi bir nechche heptidin buyan afghanistandin chiqip kétishke urunghuchilar sanining köpiyip ketkenlikini ilgiri sürdi.
türkiye awazi radiyosi xewiri: grandi b d t xewpsizlik kéngishige doklat bérip, afghanistan weziyitining yéngi musapirlar kirizisi keltürüp chiqirish éhtimali barliqini éytip agahlandurdi.
u, afghanistandiki 23 milyon kishining heddidin ziyade acharchiliq sharaitida yashawatqanliqini, ularning panahlinish, pakiz ichimlik süyi we saghlamliq mulazimitige érishishte qiyinchiliqqa duch kéliwatqanliqini otturigha qoyup, toqunushlar sewebidin 3 milyon 500 ming kishining öy-makanliridin ayrilip qélishining mumkinlikini qeyt qildi.
grandi insanperwerlik yardemlirige tayinip iqtisadni qutuldurghili bolmaydighanliqini tekitlep: «afghanistandiki bu négizlik mesilige qarshi ilgirileshning asta bolushi intayin xeterlik» dédi.
u yene: «yéqinqi bir nechche heptidin buyan dölet tewelikidin chiqip kétishke urunghan afghanistanliqlar sanining éshiwatqanliqini körduq. biz dölet we iqtisadtiki téximu chongqur we éghir weyran bolushning qoshna döletlerge, hetta uningdinmu yiraq jaylargha qéchishni téximu küchlük derijide heriketlendridighanliqigha ishinimiz» dégenlerni sözlirige ilawe qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
