amérika bilen xitay otturisida olimpik yirikchiliki kücheymekte
amérika pirézidénti jo baydin xitayning kishilik hoquq depsendichilikliri sewebidin béyjing qishliq olimpik tenheriket yighinini diplomatik bayqut qilishni oylishiwatqanliqlirini bildürgen idi.
türkiye awazi radiyosi xewiri: jo baydin hökümiti amérika tenheriketchiliri musabiqilerge qatnashsimu, olimpikqa diplomatik wekil ewetmeslikni oylishiwatqan bolup, mushu hepte ichide qararini élan qilidighanliqi kütülmekte.
yéqinqi mezgillerde hem kishilik hoquq mesilisidiki qayghular hemde amérika bilen xitay munasiwetliride, teywen, xongkong we jenubiy déngiz mesiliside otturigha chiqqan yirikchilikler, amérikaning qishliq olimpik tenheriket yighinini diplomatiye jehettin bayqut qilidighanliqi mumkinchilikini peyda qildi.
amérikada weziyet bu yönülüshte ilgirilewatqan bir peytte, xitayning naraziliqi kéchikmidi.
xitay tashqi ishlar ministirliqi bayanatchisi jaw lijyen siyasetchilerning ikki terep munasiwetlirige ziyan salmasliq üchün diplomatik bayqutni chaqiriq qilishtin waz kéchishi kéreklikini éytti.
u bayqut qilishta ching turghan ehwalda, xitayning qarshi tedbirlerni élishtin chékinmeydighanliqini eskertip: «xitay bilen amérikaning muhim sahelerdiki diyalog we hemkarliqlirining ziyangha uchrimasliqi üchün, bu chaqiriq toxtishi kérek» dédi.
qishliq olimpik tenheriket yighini 2022-yili 4-féwraldin 20-féwralghiche xitay paytexti béyjingda ötküzülidu.
