texttin chüshürülgen rehber ang san suchigha qamaq jazasi bérildi

birmada texttin chüshürülgen rehber ang san suchi bir qatar jinayetler bilen eyiblengen birinchi qétimliq sotta, töt yilliq qamaq jazasigha höküm qilinghanliqi bildürüldi.

1743534
texttin chüshürülgen rehber ang san suchigha qamaq jazasi bérildi

türkiye awazi radiyosi xewiri: b b s (BBC) ning xewiride qeyt qilinishiche, ang san suchi xelqni isyangha küshkürtüsh we wuxen wirusi(Kovid-19)  tedbirlirige xilapliq qilish bilen eyiblengen.

biraq, ang san suchi barliq eyibleshlerni ret qilghan bolsimu, oxshimighan 11 jinayet bilen sotqa tartilmaqta.

mirza qamaqta turuwatqan ang san suchining türmide yétip-yatmaydighanliqi hazirche éniq emes.

birma sabiq pirézidénti win myint (Win Myint) mu oxshash eyibleshler bilen töt yil qamaqqa höküm qilindi.

birma armiyesi 2020-yilda ötküzülgen saylamda saxtipezlik qilinghanliqining ilgiri sürülüshi we dölet ichide weziyet keskinleshkendin kéyin, 2021-yili 1-féwral hakimiyetni ötküzüwalghan idi.

herbiy hökümet döletning emeliy rehbiri we tashqi ishlar ministiri ang san suchini öz ichige alghan nurghun emeldarlarni, shundaqla hakimiyet béshidiki partiyening mesullirini tutqun qilip, jiddiy halet élan qilghan idi.

armiyening herbiy özgirishke qarshi bashlanghan namayishlarni basturushi netijiside, hazirghiche 902 kishi jénidin ayrildi, minglarche namayishchi tutqun qilindi.

siyasiy tutqunlargha yardem qilish teshkilatining melumatlirigha asaslanghanda, birmada herbiy özgirish yüz bergendin tartip hazirghiche 1200 kishi jénidin ayrilghan, texminen 10 ming kishi tutqun qilinghan.

birmada bir tereptin, keng kölemlik namayishlar dawamlishiwatqan bolsa, yene bir tereptin, yuqiri derijilik emeldarlar herbiy sotta sotlanmaqta.



مۇناسىۋەتلىك خەۋەرلەر