iran hawa mudapie sistémisini sinaq qildi

iranning isfahan shehiridiki natanz uran qoyuqlandurush zawutining hujumgha uchrash éhtimalliqigha qarshi rayondiki hawa mudapie sistémisi sinaq qilinghanliqi we rayonda anglanghan partlash awaziningmu étilghan bashqurulidighan bombadin kelgenliki bildürüldi.

1743051
iran hawa mudapie sistémisini sinaq qildi

 türkiye awazi radiyosi xewiri:  iran döletlik téléwiziye istansisining xewirige asaslanghanda, partlash awazi anglanghan natanz rayonining hawa mudapiesige mesul qomandani, yadro eslihelirining yénidiki bashqurulidighan bomba sistémilirining hujum éhtimalliqigha qarshi teyyar yaki emeslikini sinash üchün bashqurulidighan bomba étilghanliqini éytqan.

iran qomandani qisqa muddetlik manéwirning rayongha orunlashturulghan herbiy sistémilarni sinash üchün pütünley bixeter muhitta élip bérilghanliqini bildürgen.

iran taratqulirida ilgiri ikki qétim buzghunchiliqqa uchrighan natanzdiki uran qoyuqlandurush zawuti etrapida küchlük partlash yüz bergenliki xewer qilinghan idi.

fars xewer agéntliqi bir uchquchisiz ayropilanning pachaqlap tashlanghanliqini bildürgen bolsa, iran aliy dölet bixeterlik kéngishige qarashliq nurnéwis tori, hujum éhtimalliqigha taqabil turush üchün bashqurulidighan bomba siniqi élip bérilghanliqini bildürgen idi.



مۇناسىۋەتلىك خەۋەرلەر