afghanistanda pirérzidént, ministir we bashqa xadimlarning maashliri belgilendi

türkiye awazi radiyosi xewiri: taliban waqitliq hökümiti maliye ministirliqining bayanatchisi ehmed weli heqmal bu heqte axbaratlargha bergen bayanatida, hökümet xizmetchilirining maashi toghrisida yéngi belgilime chiqirilghanliqini élan qildi.

taliban rehbiri molla heybetullah axunzadege ayliq 228 ming 750 afghanistan rupiyesi  (texminen 2400 dollar) ayliq we waqitliq hökümetning muawin bash ministiri muhemmed hesen axundgha 198 ming 250 afghanistan rupiyesi (texminen 2 ming 60 dollar) ayliq békitigenlikini bayan qilghan ehmed weli heqmal, ministirlarning ayliq maashlirining bolsa, 137 ming 250 afghanistan rupiyesi (texminen 1430 dollar) qilip békitilgenlikini élan qildi.

ehmed weli heqmal taliban hökümitige tewe waliylarghimu 91 ming 500 afghanistan rupiyesi (yeni texminen 950 dollar) maash békitilgenlikini jakarlidi.

eng töwen maashning 5 ming afghanistan rupiyesi (yeni texminen 52 dollar) qilip békitilgenlikini bayan qilghan ehmed weli heqmal, bu qararning pat yéqinda küchke ige bolidighanliqini éytti.

axbaratlarda bir tal resimila bolghan taliban rehbiri axundazening zadi qeyerde ikenli nemelum.

eshref gheni rehberlikidiki sabiq hökümette, prézidént sariyida ishleydighan meslihetchilerning maashi 3 mingdin 7 ming dollar etrapida idi.