türkiye 100 din artuq somali alahide qism xadimlirini terbiyelep yolgha saldi

türkiye qoralliq qisimliri teripidin terbiyelengen 100 din artuq somali alahide qism xadimliri öz döletlirige qaytti.

1743104
türkiye 100 din artuq somali alahide qism xadimlirini terbiyelep yolgha saldi

türkiye awazi radiyosi xewiri: paytext mogadishuning adén addé xelqara ayrodromigha qonghan 100 din artuq «gorgor» (bürküt) namliq alahide qisim xadimliri somali dölet armiyesi (SNA) piyade qisim qomandani muhemmed tahil bihi we yuqiri derijilik hökümet emeldarliri teripidin qarshi élindi.

somaliliq alahide qism xadimliri ispartadiki türkiye qoralliq qisimliri teripidin zamaniwi qomandanliq boyiche terbiye alghan idi.

somaligha qaytip kelgen «gorgor» (bürküt) namliq alahide qisim xadimliri elqaidige chétishliq térrorluq teshkilati eshshababqa qarshi  urush qilish üchün aldinqi sepke orunlashturulidu.  

türkiye 2010-yildiki herbiy telim - terbiye hemkarliq kélishimi dairiside, yéqinqi töt yildin buyan somali eskerlirini terbiyelep bermekte.

somalida xarjamad we gorgor namliq serxil qisimlar xadimliri elqaidige chétishliq térrorluq teshkilati eshshababqa qarshi  urush qilmaqta.

eshshabab somalida pat - pat bixeterlik qisimliri we puqrawiy olturaq rayonlargha hujumlarni qilip kelmekte.



مۇناسىۋەتلىك خەۋەرلەر